TOUNDRA (BERTAN BEHERA)

JAKINARAZPENA – TOUNDRA TALDEAREN BI EMANALDIAK BERTAN BEHERA ETA AZAROAREN 14an ESKAINIKO DIRELA BAIEZTATZEN DA

2021ko urtarrilaren 9an. Eguraldi baldintza txarrak direla eta, bihar igandea (hilak 10, 12:30ean eta 19:00etan) Arriaga Antzokian kontzertu bikoitza eskaini behar zuen Toundra taldeak ezin du Madriletik Bilbora bidaiatu. Hori dela eta, Arriaga Antzokiak bi kontzertuak bertan behera geratzen direla iragarri behar du.

Urtarrilaren 10erako sarrerak EZ DUTE BALIO azaroaren 14rako. Dirua itzuliko da eta aurrerago jarriko dira salgai sarrera berriak. Horren berri emango da orduan. Bertan behera geratutako ikuskizunerako sarreren zenbatekoa itzuliko da, sarrerak erosi ziren kanal beretik, hau da, Internet bidez erosi dituztenentzat era automatikoan, eta gainerako kasuetan antzokiko leihatiletan.

arkamena eskatzen dizuegu sortutako eragozpenengatik.

Toundra madrildarrek 2007an hasi zuten bidaia. Taldearen soinuak gitarra-riff indartsuak, doinu ederrak eta giro nahasiak uztartzen ditu, hori guztia elektrizitatez betetako abesti zabalen babesean. Abestiek taldearen zuzeneko emanaldien garra nabarmentzen dute, eta horri esker Europako talde instrumentalik txalotuenetako bat izatera iritsi dira, azkar, gainera. Hala, disko berria kaleratzen duten bakoitzean bira egin ohi dute kontinentean zehar. 2020an «Das Cabinet des Dr. Caligari» lan berria plazaratu dute, Alemaniako espresionismoko film klasikoarentzako soinu-banda. Filmaren mendeurrena ere bada. Lan berria zuzenean aurkeztera datoz, filmaren proiekzioa barne. Uztartze hunkigarria eta milimetrikoa.

Horregatik, proiektu hau ez da Toundraren disko bat, «Das Cabinet des Dr. Caligari» filmaren soinu-banda baizik. Eta ezin da ulertu inspirazio-iturri izan diren irudirik gabe, Robert Wienek zuzendutako 1920ko film handiko irudirik gabe. «Das Cabinet des Dr. Caligari» Toundraren bidaia instrumental berria da. Taldea bere arloan erreferente bilakatu da munduan, merezimendu osoz, eta lan berri honetan berritzeko duten gaitasuna erakutsi dute, xehetasunez beteriko soinu-bidaia honetan gu eskutik eramateko gaitasuna.