Proyectos pedagógicos: Suzuki y Viewpoints con la SITI Company
Kabia Teatro konpainiak, Arriaga Antzokiarekin ekarlanean, arte eszenikoko profesionalei eta ikasleei zuzendutako ikastaroa antolatu du.
Kabia Teatro konpainiak, Arriaga Antzokiarekin ekarlanean, arte eszenikoko profesionalei eta ikasleei zuzendutako ikastaroa antolatu du. Ikastaroa J. Ed Araiza-k eta Barney O’Hanlon-ek emango dute, biak ere, New Yorkeko SITI Company-ko kideak.
SITI konpainia Anne Bogart-ek eta Tadashi Suzuki-k eratu zuten 1992an AEBetan antzerki garaikidea birzehazteko eta suspertzeko, nazioarteko kultur elkartrukean eta elkarlanean enfasia jarriz.
SuzukI metodoak, nazioarte-mailan goraipatua izan den Tadashi Suzuki zuzendariak eta Suzuki Company of Toga bere konpainiak garatuak, aktorearen entrenamendua du helburu nagusi giza gorputza, bere osotasunean, antzerki-testuinguruan berrezarriz eta aktoreak berezko dituen adierazpen-gaitasunak bistaratuz.
Viewpoints (ikuspegi eszenikoak) inprobisazio-teknika bat da, dantza posmodernoaren mundutik sortua. Mary Overlie koreografak artikulatu zuen lehenengo aldiz; dantzariek bi alderdi nagusirekin –denbora eta espazioa– egin behar izaten dute borroka eta horrek sei kategoriatan banatu zituen. Hurbilpen horri sei Viewpoint-ak deitu zion. Une horretatik aurrera, Anne Bogart zuzendariak eta SITI Company-k euren nozioak hedatu dituzte eta aktoreentzako moldatu dituzte.
Proiektu pedagogikoak: Suzuki eta Viewpoints SITI Company-rekin
LEKUA:
Arriaga Antzokiko Areto Nagusia
DATA:
2016ko irailak 12tik 17ra
IKASLEAK:
Gehienezko ikasle-kopurua 26koa izango da
INFORMAZIOA ETA MATRIKULA:
www.kabiateatro.eus / kabia-teatro@kabia-teatro.com / 0034 656727 946