JESPER BODILSEN TRIO & MADS MATHIAS
Eskandinaviako hirukoterik indartsuenetako bat, Danimarkako ahotsik handienetako batekin batera.
Danimarkatik dator Eskandinaviako eszena bikaineko talderik indartsuenetako bat: Jesper Bodilsen baxu-jotzailearen hirukotea. Laukote gisa dator, ordea, Mads Mathias saxofoi-jotzaile eta kantaria batu zaie eta. Kantari eta konpositore hori, hainbat musika-tresna jotzen dituena, izar bat da Danimarkan, eta musikazaleen bihotzak bereganatu ditu karismaz eta nortasunez betetako interpretazioekin. Crooner tradizioari jarraitzen dio haren estiloak, eta jazz-kantari handiak ditu inspirazio-iturri, hala nola Nat King Cole, Frank Sinatra eta Harry Connick Jr.
Laukoteak Mads Mathiasen beraren eta Jesper Bodilsen kontrabaxu-jotzailearen hainbat diskotako musika interpretatuko du. Jesper Bodilsenek zuzentzen duen hirukoteak oinarri aparta eta sendoa du, Bodilsen bera Martin Andersen bateria-jotzaile ezagunarekin elkartu izanaren ondorioz. Eta, oinarri horren gainean, Steen Rasmussen piano-jotzailea aritzen da. Ibilbide luzeko musikaria da; Eskandinaviako pop- eta jazz-abeslarien laguntzaile aritu da eta brasildar-musikako bere proiektuak egin ditu Leo Minax eta Josefine Cronholm musikariekin, besteak beste. Arriagak, beraz, lau talentu handi hartuko ditu.
Taldea
Pianoa eta teklatuak: Steen Rasmussen.
Bateria: Martin Andersen.
Kontrabaxua: Jesper Bodilsen.
Saioak
6 - 19:30h.
Prezioa
21€ /beherapenak
Arriagaren lagunek:% 25eko DESKONTUA.
Taldeek, gazteek, 65 urtetik gorakoek, langabetuek, familia ugariek eta % 33tik gorako desgaitasuna dutenek:
% 25eko DESKONTUA.
Bilbaina Jazz Clubeko kideak:
14€
Desgaitasuna duten pertsonek gurpil-aulkia badarabilte: