JERRY BERGONZI Quartet. BERTAN BEHERA UTZITA

Kontzertua bertan behera.

Bere lekuan CARL WINTHER trio & RICK MARGITZA. –ren emanaldia antolatu da.

“BJC Arriagan” zikloaren baitan bertan behera geratu den kontzertu honetarako sarrerek programatu den emanaldi berrirako ere balio dute. Norbaitek nahiago badu bere sarreren zenbatekoa itzultzea, leihatilan edo Arriaga Antzokiko Informazio Bulegoarekin harremanetan jarrita eska dezake.

Osasun arrazoiak direla eta, Jerry Bergonzi saxofonistak Europako bira bertan behera uzten du eta bere kolaboratzailea den Carl Winther piano joleak, Rick Margitza saxofoi jotzaile estatubatuarrarekin bat egingo du ordezkatzeko, Danimarkako piano jotzailearen beste desio handietako bat. Rick Margitza saxofoi jotzaile estatubatuarra “lehoi gazteen” artean jotzen da, guztiz identifikagarria den estiloarekin, jazz modernoaren tradizioan inspiratuta baina beti etorkizunera begira dagoen ikuspegi abangoardistarekin. Miles Davis, Eddie Gomez, Tony Williams, Bobby Hutcherson, Maria Schneider, McCoy Tyner eta Chick Corea bezalako musikariekin lan egin du. Eta 14 disko kaleratu ditu lider gisa eta 50 disko inguru sideman gisa, tartean lau Miles Davisekin batera.

Kontzertua, Arriaga Antzokiaren eta Bilbaina Jazz Cluben arteko lankidetzari esker

Jerry Bergonzi estatubatuar saxofonista artista irudikortzat hartua da, bere teknika itzela eta lirismo fina direla eta. Instrumentista, musikagile eta pedagogo gisa egindako ibilbidea aski aitortua izan da nazioartean.

Bostonen jaioa, umetatik du musikarekiko zaletasuna. Zazpi urterekin hasi zen klarinetea jotzen, garai hartan Duke Ellington, Count Basie eta Lester Young eredu zituela. Hamabi urterekin saxofoia hartu zuen musika-tresna nagusitzat, eta Miles Davisen eta John Coltraneren musikaz maitemindu zen. Musikari profesionala da hamahiru urte zituenetik. Bergonziren musikari-ibilbideak hirurogeiko hamarkadan egin zuen gora, New Yorkera lekualdatu eta Joe Lovano, John Scofield, Tom Harrell edota Victor Lewis musikari handiekin harremanetan jarri zenean. Dave Brubeck pianista mitikoaren taldeko kide finkoetako bat ere izan zen.

Teknika paregabea du, jazz-hizkuntza modernoak zein tradizionalak menderatzen ditu, haren soinua indartsua da, eta saxo tenore jotzaile handien oinordeko da, zalantzarik gabe. Hala, generoaren iragana errespetatuz eraikitzen den jazzaren modernitatearen erreferenterik argienetako bat da.

Orain arte, Jerry Bergonzik kalitate handiko diskografia utzi digu eta mundu osoko entzuleak liluratu ditu. Baita beste artista batzuk ere, hala nola Paul Desmond, Gerry Mulligam, Dave Holland eta John Abercrombie; harekin lan egin nahi izan dute horiek guztiek. Gainera, Bostonen ematen dituen eskolak saxofonista gazte askoren helmuga dira. Agerikoa denez, Jazz musikaren mito batek bisitatuko gaitu.