Ismael Serrano: Hoy es siempre. Todavía

Bere karrerako 20 urteak ospatu zituen Hoy es siempre biraren arrakastaren ondoren, Madrilgo kantautoreak proiektu berri bati ekin egin dio. Oraingo honetan, gitarra gainean duela, lagunarteko formatu batean eta ondo zaindutako eszenografia batekin.

Argentinan zuzenean grabatuta eta artistaren lagun talde txiki batek lagunduta, Serranok disko honetan bere betiko abestien bertsioak eta abesti ezezagun bat bildu ditu.

Ismael Serranoren esanetan:

 …Hoy es siempre argitaratu ondoren, alegia, banda handi batekin eta eszenaratze bikainarekin egindako kontzertu bat, nire erroetara itzuli behar nintzen. Ez dut inoiz gitarraz eta ahotsaz lagunduriko errezitaldi bat grabatzeko aukera izan, abestiei aurre egiteko erarik zintzoena, baita zailena ere.

Lagun batzuei deitu nien, Tigretik gertuko etxe batean biltzeko, Buenos Aireseko probintzian, Parana delta ondoan. Gure asmoa gitarra jotzea zen, nire errepertorioan beti agertzen ez diren baina oraindik indarrean dauden nire zatitxoak diren abesti horiek errepasatzea, zati horiekiko lotura asakatzea zaila egiten zaidalako, nahiz eta askotan kontzertuetan merezi ez duten tokia ez eman. 

Eta era horretan igaro zen eguna. Diskoaren atzealdean entzun ahal izango da, birigarroen, arabazozoen, bentebeoen eta arratsaldez zuhaitzen artean zelatan zeuden beste txorien zarata entzungo da. Gaua iristerakoan, hegaztiak isilduko dira, baina melodien atzetik haizeari entzun ahal izango diozu, zuhaitzen adaburuak kulunkatuz, euri beldurtiren bat xaflazko teilatu gainean eroriz, bukatzear dagoen egunaren azken zurrumurrua.

Diskoak Crucé un océano  izenburuko abesti ezezagun bat dauka. Honela hasten da:

“Crucé un océano buscando una canción,

una palabra que iluminara el hueco que dejaste vos”.

Gracias, todavía, por ser siempre” …

Ismael Serrano

 Kontzertu akustikoa