EN MITAD DE TANTO FUEGO

Desira, gerra, desertzioa, boterea, indarkeria, aberria… Alberto Conejerok poema epiko baten edertasuna, misterioa eta iluntasuna partekatzen ditu publikoarekin, eta, poema horren bidez, gizatiarra denarekin hitz egin eta garai desberdinak lotzen ditu. Iraganeko eta orainaldiko ahotsak uztartzen ditu. Akilesen gerra-laguna den Patroklo pertsonaiaren bidez egiten du hori. Homeroren Iliada eta beste testu batzuk oinarri dituen muntaketa, Greziako literatura klasikoko funtsezko obra batera hurbiltzen gaituena.

Antzezlea, dramagilea eta zuzendaria. Hiru talentu handi horiek aurkezten dute ikuskizuna, gerrako abesti bat eta, aldi berean, biktimen aldeko otoitz bat dena; «loria», «ohorea» edo «aberria» bezalako hitzek eta ideiek gorputzetan egiten dutenari buruzko bakarrizketa; bataila-eremuko indarkeriaz ez ezik desiraren indarkeriaz ere hitz egiten duen poema iluna. Izan ere, elkar maite duten eta gerra hasi eta hamar urtera bataila-eremutik ihes egiten duten bi gizonen desertzioekin hasten da Iliada. Troiako gerraz hitz egiten jarraitzen dugu, oraindik ere sutan dago eta.