Eutsiko diogu, Pete! The Seeger Basque Sessions

‘Abesti Bat Gutxiago’ elkarlanarekin estatu batuarren hamaika abesti itzuli eta moldatu ostean, hariari tira eta segida gisa Lou Topet bandak, Harkaitz Cano idazleak eta euskal musikako lagun ezagunek Seeger berpiztuko dute bere abestien moldaketen bitartez, saio bakar eta ahaztezin batean.

Musikari hilezkorrik baldin bada, horixe da Pete Seeger, Amerikako Estatu Batuetako folk kantari garrantzitsuenetarikoa. Itzal luzea du New Yorkeko musikariak. Izan ere, Bruce Springsteen edo Bob Dylan bezalako artistek ahoan bizarrik gabe aitortu izan dute aitatzat dutela bakarlaria. Woody Guthrierekin eskutik, AEBetako ezker mugimenduaren abangoardia musikala izan zen Seeger eta memorian iltzatuta ditugu Lincoln batailoiari abestutako bertsoak eta 1978an Euskal Herrira egin zuen bidaia hura. Gurean ere eragina izan zuen eta horrela, Benito Lertxundik, Fermin Muguruzak edota Garik ekarri zuten Seeger euskal kantagintzara.

Arriagako eszenatokian Lou Topetek kantu klasikoak berritu eta musika festa handia eskainiko du, lagun handien parte hartzearekin; Aiora Renteria, Anje Duhalde, Eñaut Elorrieta eta Izaro, besteak beste!

Loraldia 2017 – Euskal kultura berriro loratuko da Bilbon beste udaberri batez Loraldiari esker